اعملى سحر لزوجك مثل هذه المراة
سأل زوج زوجتة: انتى عمالى سحر علشان احبك الحب ده كله؟
فردت بتقوله اه عاملة لك سحر وعمل كمان ؟؟!!!!!!
..
...
... .
.
.
أيوة طبعاً اومال يعني انت هتحبني الحب دا كله بالساهل !!
انا كل اول شهر باخد مبلغ معين كده واديه للشيخ بتاع الجامع اللي ورانا ...
علشان يطلعه صدقة بنية دوام سعادتنا : )
وباخد أي حاجة فيها عرقك (( قَطَرك يعني )) ..
واغسلها واكويها وارجعهالك معطرة : )
و وانا بعمل لك الأكل بقعد اقرا عليه شوية كلام ..
أيووووووون .. بقعد اقول يااااااااارب يطلع حلو علشان هو تعبان طول النهار في شغله و جعان
ونفسي أوي ابسطه : )
وبحط لك في هدومك حجاب .. مش حجاب واحد لأ كتييييييير
علشان كل ما تيجي تطلع حاجة من جيبك تلاقي ورقة بقولك فيها
" بحبك " أو " وحشتني " أو " خلي بالك منك .. انا ماليش غيرك "
وكل يوم قبل ما تخرج بقعد اقرا أدعية في سري
واستودعك وادعي ربنا يحرسك ويحميك
مش عَمل جامد وما يخرش الماية
واحسن من بتاع ام حزمبل واشتاتا أشتوت ؟؟
لأ وايه .. احلى حاجة في العمل دا
انك كل ما تصلي وتتوضا و نقرا قرآن سوا العمل مفعوله يزيد
مش يبطـــــــــــل
وفي النهاية ياااااااااااااااا رب
احمي كل بيوتنا واملاها بالحب والمودة والرحمة اللي هما اساس الزواج وعشان
الاولاد يكونوا في احسن حال عشان المشاكل بيكون تاثيرها علي الاولاد كبير
جدا واول المضرورين من المشاكل هما الاولاد
واذا كل واحده فكرت تسعد زوجها احلف لكم انها كده بتسعد نفسها وكل واحده بتعمل مشاكل مع زوجها بتنكد علي نفسها وبتضر اولادها
فكري في النواحي الايجابية وانسي النواحي السلبية في زوجك لانك خلاص اخترتيه يكون شريك حياتك
ودايما فكري ترضيه عشان هوه كمان يفكر ازاي يسعدك ويرضيكي
وربنا يسعد
كل البنات يا رب وكل بيوت المسلمين يا رب
م-ن-ق-و-ل
موضوع: تعالى اعملى سحر لزوجك زى المرأة دى 
الأحد مارس 11, 2012 11:51 pm
