جايبلكم النهاردة طريقتى فى عمل القهوة المصرى بوش
المقادير:
بن
سكر
ميه
الطريقة:
هاتى الكنكه وحطى معلقة بن وسكر حسب الطلب لو عايزاها زياده يعنى معلقتين سكر ولو عايزاهامظبوط يعنى معلقه ولو عايزاها على الريحه نصف معلقه
وتقلبى كله على البارد وبعد ذلك تشيلى المعلقه من الكنكه وتخلى النار زى الشمعه واهم شىء تقفى جنبها ولما تحسى انها بتتطلع لفوق اطفى النار قبل ما تفور وكده يا ستى هتلاقى وش ان شاء الله
ملحوظة:
بلاش تصبى الوش كله فى فنجان واحد لا لازم تقسمى الوش على عدد الفناجين وباحتراش علشان الوش مينزلش كله مرة واحدة فى فنجان واحد وبعد كده صبى باقى القهوة براحتك فى الفنجايين
واى سؤال انا موجودة
موضوع: قهوة مصرى بوش 
الثلاثاء يناير 03, 2012 1:33 am
