يا سيدات المنتدى الجميلات شفت حاجة على الفايس بوك انهاردة وقلت لازم اشاركوا ضروووووورى
اكتشفت مسابقة مواهب للأطفال وبسسسسسس اسمها "سوبر ستارز" ودى عملاها مدينة الأطفال كيدزانيا لكل اللى عمرهم ما بين 7 سنين و14 سنة
المسابقة حسب ما هما قايلين فيها مجالات كتيرة اوووى عشان كدة سهل جدا ان أولادكوا يلاقوا مجال موهوبين فيه. وطبعا انا متأكدة ان اولادكوا عندهم مواهب جامدة.
انا ان شاء الله هخلى بنتى تشارك فى الغنا عشان هى بتحبه جدا وصوتها حلو اوى ما شاء الله بس لسة مش عارفة هتحب تغنى اية
المهم عشان انا سرحت هههههه المسابقة هتبقى فى استوديو مواهب مدينة كيدزانيا وكمان فى محلات فيرجين ميجا ستورز كلها وفى المدارس
كمان اللى حابب يقدر يسجل موهبة ابنه او بنته فى تجربة اداء يعنى ويقدمها فى استوديو كيدزانيا او اى فرع من فروع فيرجين
اهم حاجة لازم يملىبس تملوا الاستمارة اللى على الانترنت
مجالات المسابقة كتيييييرة وحلوووووووة جدا للأطفال زى الغنا، التمثيل، الرقص، استاند اب كوميدى، الرسم، التقليد، الشعر، العاب السحر وحتى المايم اللى هو التمثيل الصامت
يلا مين ناوى يدخل ابنه او بنته؟؟ انا ان شاء الله هرفع فيديو بنتى لما اصوره عشان تشوفوا الموهبة العظيمة وتصوتولها بقى وكدة ههههههههههه
لوعايزين تعرفوا اى معلومات تانية او عندكوا اى سؤال ابعتولى على الخاص او ادخلوا على فايسبوك كيدزانيا وهتعرفوا كل التفاصيل اللى محتاجينها هناك