انا انهردا سمعت معلومة اثرت فيا جدا وكانت غايبة عني وقلت لازم اجي وافكركم انتو كمان بيها
طبعا كلنا عارفين ان يوم القيامة ربنا سبحانه وتعالي هيحاسب كل واحد فينا على حسناته وسيئاته
" ولا تزر وازرة وز اخرى "
يعني كل واحد هايتحمل مسوؤلية اعمالو هو وبس ...
إلا في حالة واحدة بتتحاسبي فيها على حسنات ناس غيرك هي الي عملتها وبتضاف لميزان حسناتك انتي !!!
عارفين ايه هي الحالة دي ؟
لما تكوني سبب في ان حد غيرك يعمل عمل خيــــــر وعمل صالح في الدنيا
يعني ايه ؟
* يعني تعلمي اخت ليكي ازاي تصلي صح
* تشجعي واحدة على لبس الحجاب وتعرفيها ازاي لبسها يكون ساتر
* تساعدي حد على انو يحفظ ولو جزء من القرآن
* تعلمي ام ازاي تربي اولادها صح وتهتم بيهم
* تنصحي زوجة ازاي تعامل جوزها صح وبما يرضي الله
* تنصحي غيرك بالصدقة
وزي كدا حجات كتيييييييير كلنا نقدر نعملها وأهم حاجة اننا نحتسبها لوجه الله
في الحالة دي ربنا سبحانه وتعالى هيكتبلك أجر في كل مرة فلان عمل فيها عمل خير وصالح بسببك
وفي الحالة دي هاتحتسبي عند الله من قــــــــادة الخير الي بينشرو الخير وسط الناس
وهتلاقي ميزان حسناتك يوم القيامة تقيــــــــل أوي
شايفين قد ايه دينّا دين يسر وكلو محبة
وقد ايه ربنا جميل ورحيم
جعل الحسنة بعشر امثالها وجعل لينا حسنات في كل مرة نكون سبب ان غيرنا يعمل خير
تعالو نبتدي من دلوقتي نكون قادة للخير في حياتنا وننفع بعض بكل ما هو خير
عشان يوم القيامة نتقابل كلنا واحنا ميزانا مليان حسنــــات
وافتكرو دايما ان "احبّ العباد الي الله انفعهم للنــاس "