سندس
عضوة برونزية
عدد المساهمات : 568
التقييم : 0
تاريخ التسجيل : 25/12/2011
 |  موضوع: لسعـة ثلج  الإثنين مارس 19, 2012 7:03 am | |
|
في وسط قلبي سفينه وفي سما حُبك سدَم ،
تشتهي بحرك وتجري عكس شهوتها . . الرياح !
كن هذا الصبح بـ العتمه بليّاك ، إنردَم . .
يا صباح الخير من غيرك بلا ( خير ) الصباح !
أثر ثلج فراقنا يلسَع وشوقك ، ما خِدَم ،
توّي أفهم :
شنهو تعني [ لسعة الثلج ] . .
لـ ( فلاح ) !
لا تحارب . . ما أبيك تعض إبهامك [ نِدَم ] ،
جيت لك :
قصدي إنتـ فاهم ،
شوووف . .
ما أحمل سلاح !
الزعل : غلطة حبايب قلب من قلب إنصِدَم . .
والرضى ساكت ، وعزة نفس تتثاقل سماح !
ياحبيب الجرح . . شوف إحساس محبوبك ( عَدَم ) :
ما يحس القلب في جرحك وهو كله جراح !
كان في وجهك بقى لك دمعتين ، وفيه دَم ؟
هذي [ هُدنه ] نتّفق بـ شروط وننساه اللي راح . .
يا أجي أرضك . . وأترك فيها لي بصمة قدَم ،
أو أصد وأكتب عليها : ( أرض مافيها صلاح ) !
يا أعيش بـ وسط قلبك ونبني كل شي إنهِدَم . .
وإلا قدامك أموت وأوقف بـ وجه [ الرماح ] !
إعتبر نفسك معزّب . . و المشاعر لك : خَدَم ،
وإنت كيفك دام قلبي ( أرض منزوعة سلاح ) !
| |
|
سارة
مشرفة عامة
عدد المساهمات : 709
التقييم : 0
تاريخ التسجيل : 20/12/2011
| |
سندس
عضوة برونزية
عدد المساهمات : 568
التقييم : 0
تاريخ التسجيل : 25/12/2011
| | موضوع: رد: لسعـة ثلج الأحد مارس 25, 2012 1:04 pm | |
| اشكرك على المرور اختى
جزاكى الله خيرا | |
|
